Cén chaoi a n-oibríonn córas vótála na hÉireann?

Is córas Ionadaíocht Chionmhar é córas vótála na hÉireann, a bhaineann úsáid as an vóta aonair inaistrithe. Deir Airteagal 16 den Bhunreacht go bhfuil ceart vótála, i dtoghcháin do Dháil Éireann, ag gach saoránach a bhfuil ocht mbliana déag slán acu agus nach bhfuil faoi dhícháilíocht dlí. Déantar an vótáil trí rúnbhallóid, agus ní bhíonn ach vóta amháin ag gach vótálaí.

Tá an Rannán um Thoghchóras den Roinn Comhshaoil, Oidhreachta, agus Rialtais Áitiúil freagrach as toghchórais sásúla a chothabháil ag leibhéil náisiúnta agus áitiúla.